Konqresdə ilkin qüvvələr nisbəti
Novator.az ABŞ Konqresində ilkin qüvvələr nisbətinə nəzər salıb.
Noyabrın 8-də keçirilmiş seçkilərdə 435 nəfərlik alt qanadın – Nümayəndələr Palatasının tam yenilənməsi, 100 nəfərlik yuxarı palatanın – Senatın 35 üzvünün müəyyənləşməsi nəzərdə tutulub.
Cnn.com-da dərc olunan hesabata görə, hələlik Respublikaçılar Partiyasının Nümayəndələr Palatasında 209, Demokratlar Partiyasının 191 mandatı var.
Senatda respublikaçıların sayı 49 nəfər, demokratların sayı 48 nəfər göstərilir.
ABŞ 50 ştat və 1 federal dairədən ibarətdir. Nümayəndələr Palatasında ştatların təmsilçiliyi əhalinin sayına bağlıdır. Senata hər ştatdan 2 nəfər seçilir. Paytaxt Vaşinqtonun yerləşdiyi Kolumbiya dairəsinin Konqresdə təmsilçiliyi yoxdur.
