Yeni turnir, yeni rəqib
Noyabrın 7-də UEFA Konfrans Liqasının növbəti mərhələsinin püşkü atılıb. Turnirin 1/8 finalına bilet uğrunda yarışacaq Azərbaycan təmsilçisi “Qarabağ”a “Gent” (Belçika) rəqib olub.
Oyunlar 2023-cü il fevralın 16-23-nə təyin edilib.
Novator.az bildirir ki, 1900-cü ildə yaradılan “Gent” 1 dəfə Belçika çempionu olub, 4 dəfə ölkə kubokunu qazanıb, Avropanın müxtəlif klub turnirlərində 112 oyun keçirib (40 qələbə, 25 heç-heçə, 47 məğlubiyyət).
2022-2023 mövsümünə Çempionlar Liqasında başlayan “Qarabağ” əvvəl Avropa Liqasına adlayıb, sonra Konfrans Liqasına ələnib.
