İsraildə ilkin mandat bölgüsü
İsrail parlamentinə 1 noyabr seçkisinin nəticələri dəqiqləşir. Novator.az bildirir ki, noyabrın 3-nə olan rəsmi hesabata görə, Likud Partiyası 32 mandatla öndədir. Bu partiyaya sabiq baş nazir Benyamin Netanyahu liderlik edir. 1949-cu il təvəllüdlü Benyamin Netanyahu 1996-1999 və 2009-2021-ci illərdə hökumət başçısı olub.
İndiki baş nazir Yair Lapidin Gələcək Var Partiyası 24 mandat götürür.
Tkuma Partiyası 14, Dövlətçilər Birliyi bloku 12, ŞAS Partiyası 11, Tora Yəhudiliyi Partiyası 8, İsrail – Bizim Evimiz Partiyası 5, Birləşmiş Siyahı bloku 5, Hadaş-Taal bloku 5, Fəhlə Partiyası 4 yer qazanır.
İsrail parlamenti 120 nəfərlikdir. Hökumət qurmaq üçün 61 mandat lazımdır.
