Sabiq prezident kürsüyə qayıdır
Braziliyada prezident seçkisi başa çatıb. Novator.az-ın məlumatına görə, oktyabrın 30-da keçirilmiş ikinci turda sabiq prezident Luis İnasiu Lula da Silva 50,8 faiz səslə dövlət başçısı Jair Bolsonarunu məğlub edib.
1945-ci il təvəllüdlü Luis İnasiu Lula da Silva prezident kürsüsünü 2003-2010-cu illərdə tutub. 2018-2019-cu illərdə korrupsiya ittihamı ilə həbsdə olub, 2021-ci ildə bəraət alıb.
Jair Bolsonaru 2018-ci il oktyabrın 28-də prezident seçilib, 2019-cu il yanvarın 1-də səlahiyyətlərinin icrasına başlayıb.
Oktyabrın 2-də keçirilmiş ilk turda 11 namizədin yarışmış, Luis İnasiu Lula da Silva 48,4 faiz, Jair Bolsonaru 43,2 faiz səs toplamışdı.
