Fransadan əliboş…
UEFA Avropa Liqasının 2022-2023 mövsümündəki Azərbaycan təmsilçisi “Qarabağ” G qrupunda beşinci oyununu keçirib. Novator.az-ın məlumatına görə, oktyabrın 27-si Fransada “Nant”la üz-üzə gələn komanda yenilib – 1:2.
“Frayburq” (Almaniya) – “Olimpiakos” (Yunanıstan) matçında 1:1 hesabı qeydə alınıb.
Son tur ərəfəsində “Frayburq” 13 xalla birinci yeri təmin edib, “Qarabağ”ın 7, “Nant”ın 6 xalı var, 2 xal toplayan “Olimpiakos”un mövsümdən ələnməsi dəqiqləşib.
Noyabrın 3-nə təyin olunan son turda “Qarabağ” “Frayburq”u, “Olimpiakos” “Nant”ı qəbul edir.
Qrup birincisi 1/8 finala çıxır, ikinci yeri tutan həmin mərhələyə vəsiqə üçün Çempionlar Liqasından ələnən komanda ilə oynayır, üçüncü yeri tutan Konfrans Liqasına köçərək həmin turnirin 1/8 finalına bilet uğrunda yarışır.
