Böyük liqa son tura yol aldı
UEFA Çempionlar Liqasının 2022-2023 mövsümündə qrup raundunun bitməsinə bir tur qalır. Novator.az bildirir ki, oktyabrın 27-dək A qrupundan “Napoli”, “Liverpul”, B qrupundan “Brügge”, “Portu”, C qrupundan “Bavariya”, “İnter” (İtaliya), E qrupundan “Çelsi”, F qrupundan “Real”, G qrupundan “Mançester Siti”, “Borussiya” (Dortmund), H qrupundan PSJ, “Benfika” növbəti mərhələyə vəsiqəni təmin edib.
Qruplarda ilk iki yeri tutan komandalar 1/8 finala adlayır.
1955-ci ildən keçirilən, 1991-ci ilə qədər Çempionlar kuboku adlanmış turnirdə “Real” 14, “Milan” 7, “Bavariya”, “Liverpul” 6, “Barselona” 5, “Ayaks” 4, “İnter” (İtaliya), “Mançester Yunayted” 3, “Benfika”, “Nottingem Forest”, “Yuventus”, “Portu”, “Çelsi” 2, “Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund) 1 titula sahibdir.
