Rişi Sunak kraldan mandat aldı
Böyük Britaniya kralı III Karl oktyabrın 25-də hakim Mühafizəkarlar Partiyasının lideri Rişi Sunakı qəbul edərək ona hökumət qurmaq səlahiyyəti verib. Beləliklə, Rişi Sunak rəsmən baş nazir kürsüsünə oturub.
Rişi Sunak oktyabrın 24-dən Mühafizəkarlar Partiyasının lideridir. Bu partiya ölkə parlamentinin alt qanadında – İcmalar Palatasında çoxluqda olduğu üçün lider baş nazirlik hüququ qazanır.
Novator.az bildirir ki, 1980-ci il təvəllüdlü Rişi Sunak əslən hindistanlıdır. Oksford və Stenford universitetlərində ali təhsil alıb. 2015, 2017 və 2019-cu illərdə İcmalar Palatasının üzvü seçilib. 2020-2022-ci illərdə maliyyə naziri olub.
Mühafizəkarlar Partiyasının əvvəlki lideri Liz Trass oktyabrın 20-də istefa verərək baş nazir vəzifəsindən ayrılıb.
Mənbə: Theguardian.com
