Neft Fondu xeyirlə ziyan arasında
Dövlət Neft Fondu (DNF) bildirir ki, 2022-ci il oktyabrın 1-nə qurumun aktivləri 45 milyard 386,4 milyon ABŞ dollarına çatıb. Yanvar-sentyabr aylarının gəlirləri 11 milyard 365,9 milyon manat, xərcləri 6 milyard 566,9 milyon manat göstərilir.
Hesabata görə, doqquz ayda dövlət büdcəsinə 6 milyard 542 milyon manat köçürülüb, ali təhsil sisteminin beynəlxalq rəqabətliliyinin artırılması proqramının (2019-2023-cü illər) maliyyələşməsinə 8,1 milyon manat yönəldilib, DNF-nin idarə edilməsi xərcləri 16,8 milyon manat həddində rəsmiləşib.
Qurumun aktivlərinin bazar dəyərində qiymət dəyişkənliklərindən yaranan 4 milyard 521 milyon manat azalma, valyuta məzənnələrinin dəyişməsindən yaranan fərqlə bağlı 4 milyard 185,2 milyon manat büdcədənkənar xərc qeydə alındığı vurğulanır.
