Büdcə zərfi parlamentdə
2023-cü ilin büdcə zərfi Milli Məclisə göndərilib. Xəbər oktyabrın 25-də yayılıb.
İlkin hesabata görə, dövlət büdcəsi layihəsində 30,7 milyard manat gəlir, 33,3 milyard manat xərc nəzərdə tutulur.
Dövlət Vergi Xidmətinin xətti ilə daxilolmalar 13,4 milyard manat, Dövlət Neft Fondundan transfert 11,3 milyard manat, Dövlət Gömrük Komitəsinin xətti ilə daxilolmalar 4,7 milyard manat, büdcə təşkilatlarının büdcədənkənar daxilolmaları 750 milyon manat, başqa gəlirlər 538,7 milyon manat göstərilir.
Xərc istiqamətləri belə sıralanır: iqtisadi fəaliyyət – 6,9 milyard manat, müdafiə və milli təhlükəsizlik – 5,3 milyard manat, sosial müdafiə və sosial təminat – 4,4 milyard manat, təhsil – 4,4 milyard manat, ümumi dövlət xidmətləri – 3,8 milyard manat, məhkəmə hakimiyyəti, hüquq mühafizə və prokurorluq – 2,7 milyard manat, səhiyyə – 1,9 milyard manat, kənd təsərrüfatı – 1,2 milyard manat, mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 542,8 milyon manat, ətraf mühitin mühafizəsi – 363,3 milyon manat, mənzil və kommunal təsərrüfatı – 355,1 milyon manat, əsas bölmələrə aid edilməyən xərclər – 1,4 milyard manat.
2023-cü il üçün yaşayış minimumu və ünvanlı dövlət sosial yardımının təyin edilməsi məqsədilə ehtiyac meyarının həddi 246 manat götürülür.
