Oktyabrın 24-də Gürcüstana səfər edən prezident İlham Əliyev Mçxeta rayonundakı Muxrani sarayında baş nazir İrakli Qaribaşvili ilə təkbətək görüşüb.

AZƏRTAC xəbər verir ki, onlar sarayda “Qarabağ xanlığının irsi” sərgisi ilə tanış olublar. Sərgidə “Qarabağ xanlığı. Tarixi və mədəni kimlik” kitabı təqdim edilib. Kitab Azərbaycan, rus, ingilis, fransız və ərəb dillərində nəşr olunub.

Sərgi ilə tanışlıqdan sonra İlham Əliyev və İrakli Qaribaşvili mətbuata bəyanatlarla çıxış ediblər, ardınca Muxrani saray kompleksində mədəni proqram təqdim olunub.