Britaniyanın baş naziri postdan gedir
Böyük Britaniyanın baş naziri Liz Trass oktyabrın 20-də istefa bəyanatı verib. O, vəzifəsinin öhdəsindən gəlmədiyini bəyan edib.
Novator.az bildirir ki, 1975-ci il təvəllüdlü Liz Trass hakim Mühafizəkarlar Partiyasının lideridir. Ətraf mühit, ərzaq və kənd təsərrüfatı naziri, ədliyyə naziri, xarici ticarət naziri, xarici işlər naziri postlarını tutub.
2022-ci il sentyabrın 5-də Mühafizəkarlar Partiyasının lideri seçilən Liz Trass sentyabrın 6-dan baş nazirdir.
Mühafizəkarlar Partiyası ölkə parlamentinin alt qanadı olan İcmalar Palatasında çoxluqdadır.
