Ölkə iqtisadiyyatları üçün proqnoz
Baş ofisi ABŞ-ın paytaxtı Vaşınqtonda yerləşən Beynəlxalq Valyuta Fondu 2022-ci ilin proqnozlarını yeniləyib. Novator.az bildirir ki, hesabata görə, 2022-ci ildə Azərbaycan iqtisadiyyatının 3,7 faiz böyümək imkanı var.
Ermənistan üzrə artım proqnozu 7 faiz, Gürcüstan üzrə 9 faizidir.
Estoniyada ümumi daxili məhsulun 1 faiz, Litvada 1,8 faiz, Latviyada 2,5 faiz artması gözlənir.
Tacikistan üçün artım proqnozu 5,5 faiz, Özbəkistan üçün 5,2 faiz, Qırğızıstan üçün 3,8, Qazaxıstan üçün 2,5 faiz, Türkmənistan üçün 1,2 faizdir.
Moldova iqtisadiyyatının sabit qalacağı, Rusiyada 3,4 faiz, Belarusda 7 faiz, Ukraynada 35 faiz tənəzzülün qeydə alınacağı vurğulanır.
Türkiyə iqtisadiyyatının 5 faiz, İran iqtisadiyyatının 3 faiz arta biləcəyi bəyan olunur.
Milli hesabata əsasən, 2022-ci ilin yanvar-sentyabr aylarında Azərbaycanda ümumi daxili məhsul ötən ilin eyni dövrü ilə müqayisədə 5,6 faiz artıb.
Mənbə: imf.org
