Xarici ticarətin doqquz ayı
Dövlət Gömrük Komitəsi xarici ticarət hesabatı yayıb. Novator.az bildirir ki, rəsmi məlumata görə, 2022-ci ilin yanvar-sentyabr aylarında 178 ölkə ilə ticarət əməliyyatı aparılıb, 29,5 milyard dollarlıq ixrac, 10,2 milyard dollarlıq idxal rəsmiləşib, dövlət büdcəsinə 4,2 milyard manat ödənib.
İxracın 27,4 milyard dolları neft-qaz sektorunun payına düşüb.
Qalan yüksək ixrac göstəriciləri belə sıralanır: meyvə-tərəvəz – 439 milyon dollar, kimya sənayesi məhsulları – 299,3 milyon dollar, plastmas və ondan hazırlanan məmulatlar – 293,9 milyon dollar.
Ən yüksək idxal göstəriciləri belədir: maşın, mexanizm, elektrik aparatları, avadanlıqlar və onların hissələri – 2 milyard 89,5 milyon dollar, yeyinti məhsulları – 1 milyard 613,6 milyon dollar, nəqliyyat vasitələri və onların hissələri – 1 milyard 301,8 milyon dollar.
İxracın 3,9 faizi MDB ölkələrinin, 65,7 faizi Avropa İttifaqı ölkələrinin, 30,4 faizi başqa ölkələrin payına düşüb, idxalda MDB-nin payı 29,5 faiz, Avropa İttifaqının payı 16,1 faiz, başqa ölkələrin payı 54,4 faiz, ticarət dövriyyəsi və ixrac üzrə əsas tərəfdaş İtaliya, idxal üzrə əsas tərəfdaş Rusiya olub.
