Azərbaycanın neft satdığı ölkələr
Dövlət Gömrük Komitəsinin rəsmi hesabatına görə, Azərbaycan 2022-ci ilin yanvar-sentyabr aylarında 14,9 milyard dollarlıq xam neft və xam neft məhsulu ixrac edib. Novator.az bildirir ki, ixrac ünvanları dəyər baxımından belə sıralanır: İtaliya, Hindistan, İsrail, Böyük Britaniya, Xorvatiya, Çexiya, Portuqaliya, İspaniya, Tunis, Vyetnam, Ukrayna, İrlandiya, Almaniya, Rumıniya, İsveçrə, Tailand, İndoneziya, Türkiyə, Yunanıstan, Avstraliya, Tayvan, Avstriya, Belarus, Fransa, Rusiya, Bolqarıstan, Gürcüstan.
Doqquz ayda ölkədə 24,5 milyon ton neft çıxarılıb, gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel, mayda 571,3 min barrel, iyunda 523,5 min barrel, iyulda 549,9 min barrel, avqustda 554 min barrel, sentyabrda 543 min barrel göstərilib.
Beynəlxalq razılaşma oktyabr üçün gündəlik hasilat normasını 717 min barrel, noyabr və dekabr ayları üçün 684 min barrel müəyyən edib.
2022-ci ilin dövlət büdcəsində bir barrel neftin qiyməti əvvəl 50 dollardan götürülüb, iyulun 1-dən 85 dollara qaldırılıb. “AzəriLayt” markalı Azərbaycan nefti yanvara 82,49, fevrala 94,20, marta 102,30, aprelə 112,33, maya 110,70, iyuna 127,48, iyula 123,40, avqusta 105,97, sentyabra 99,67, oktyabra 91,68 dollarla başlayıb.
