Miqrasiya pozuntuları, qərarlar
Dövlət Miqrasiya Xidməti yanvar-sentyabr ayları üzrə hesabat yayıb. Statistikaya görə, miqrasiya sahəsində qanunvericiliyin tələblərinin pozulması 12964 qərarla nəticələnib.
3568 qərarda cərimə ödəməklə ölkəni tərk etmək tələbi yer alıb, 3621 qərar ölkədə yaşamanı qanuniləşdirib.
850 qərarda ölkədən inzibati qaydada çıxarılmaqla cərimə tətbiqi, 4196 qərarda ölkəyə girişə məhdudiyyət nəzərdə tutulub.
Azərbaycanda müvəqqəti və daimi yaşamaq üçün icazə sənədinin itirilməsi üzrə 260, əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 409, qeydiyyat tələblərinin pozulması üzrə 60 qərar çıxarılıb.
