İxrac 10,7 faiz artıb, idxal 1 faiz azalıb
Dövlət Statistika Komitəsi xarici ticarət əlaqələri haqqında hesabat yayıb. Rəsmi məlumata görə, 2022-ci ilin yanvar-avqust aylarında Azərbaycanın hüquqi və fiziki şəxsləri 174 ölkədəki tərəfdaşları ilə ticarət əməliyyatları həyata keçirib, 119 ölkəyə ixrac, 160 ölkədən idxal qeydə alınıb.
Xarici ticarət dövriyyəsi 35 milyard 608,3 milyon dollar, ixrac 26 milyard 739,9 milyon dollar, idxal 8 milyard 868,4 milyon dollar göstərilir.
Hesabata əsasən, 2021-ci ilin yanvar-avqust ayları ilə müqayisədə xarici ticarət dövriyyəsi faktiki qiymətlərlə 70,4 faiz, real ifadədə 6,6 faiz artıb.
İxracın real ifadədə 10,7 faiz artdığı, idxalın 1 faiz azaldığı vurğulanır.
