İsveçdə baş nazir seçildi
İsveç parlamenti oktyabrın 17-də Mötədil Koalisiya Partiyasının lideri Ulf Kristerssonu baş nazir seçib. Novator.az-ın məlumatına görə, mötədillər hökuməti Xristian Demokrat Partiyası və Liberallar Partiyası ilə birgə qurur, koalisiyaya İsveç Demokratları Partiyası da dəstək verir.
1963-cü il təvəllüdlü Ulf Kristersson iqtisadçıdır. Paytaxt Stokholmda merin müavini postunu tutub, 2010-2014-cü illərdə səhiyyə və sosial məsələlər naziri olub.
349 nəfərlik parlamentdə koalisiyanın 176 səsi var.
Sentyabrın 11-də keçirilmiş parlament seçkisində Sosial Demokrat Fəhlə Partiyası 107, İsveç Demokratları Partiyası 73, Mötədil Koalisiya Partiyası 68, Mərkəz Partiyası 24, Sol Partiya 24 mandat, Xristian Demokrat Partiyası 19, Yaşıllar Partiyası 18, Liberallar Partiyası 16 mandat alıb.
