Ayların hasilatı
2022-ci ilin sentyabr ayında Azərbaycanın gündəlik xam neft hasilatı 543 min barrel olub. Hesabatı oktyabrın 17-də Energetika Nazirliyi yayıb.
Novator.az bildirir ki, yanvar-sentyabr aylarında ölkədə 24,5 milyon ton neft çıxarılıb, gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel, mayda 571,3 min barrel, iyunda 523,5 min barrel, iyulda 549,9 min barrel, avqustda 554 min barrel göstərilib.
Beynəlxalq razılaşma oktyabr üçün gündəlik hasilat normasını 717 min barrel, noyabr və dekabr ayları üçün 684 min barrel müəyyən edib.
2022-ci ilin dövlət büdcəsində bir barrel neftin qiyməti əvvəl 50 dollardan götürülüb, iyulun 1-dən 85 dollara qaldırılıb. “AzəriLayt” markalı Azərbaycan nefti yanvara 82,49, fevrala 94,20, marta 102,30, aprelə 112,33, maya 110,70, iyuna 127,48, iyula 123,40, avqusta 105,97, sentyabra 99,67, oktyabra 91,68 dollarla başlayıb.
