Astana səfəri
Oktyabrın 12-də prezident İlham Əliyevin Qazaxıstanın paytaxtı Astanaya səfəri başlayıb. AZƏRTAC xəbər verir ki, o, Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) zirvə toplantısına və Müstəqil Dövlətlər Birliyinin (MDB) sammitinə qatılacaq.
27 ölkəni birləşdirən AQEM-in əsası 1992-ci ildə qoyulub.
MDB-ni 8 dekabr 1991-ci ildə Rusiya, Belarus və Ukrayna yaradıb.
21 dekabr 1991-ci ildə Moldova, Azərbaycan, Ermənistan, Qazaxıstan, Özbəkistan, Türkmənistan, Qırğızıstan, Tacikistan da MDB-yə qoşulublar.
9 dekabr 1993-cü ildə Gürcüstan da MDB-yə daxil olub.
Rusiyanın hərbi təcavüzünə məruz qalan Gürcüstan 2009-cu ildə MDB-dən ayrılıb, Ukrayna eyni səbəbdən 2014-cü ildən başlayaraq qurumda iştirakını dayandırıb.
