AŞPA: Azərbaycan üzrə xüsusi məruzəçi təyin edilib
Avropa Şurası Parlament Assambleyasının (AŞPA) Böyük Britaniyadan olan üzvü Hanna Bardell Azərbaycanda jurnalistlərin və hüquq müdafiəçilərinin həyatına və təhlükəsizliyinə təhdidlər üzrə məruzəçi təyin edilib. “Turan”ın məlumatına görə, qərar oktyabrın 11-i Strasburqda, AŞPA-nın Hüquq və İnsan Hüquqları Komitəsinin iclasında çıxarılıb.
1949-cu ildə yaradılan Avropa Şurasının əsas institutları üzv ölkələrin xarici işlər nazirlərindən ibarət Nazirlər Komitəsi, milli parlament üzvlərindən ibarət Parlament Assambleyası və hakimləri üzv ölkələrdən seçilən Avropa İnsan Hüquqları Məhkəməsidir.
Azərbaycan Avropa Şurasına 2001-ci ildə qoşulub.
