Müsavat – 111
Oktyabrın 11-də Müsavat Partiyasının 111 yaşı tamam olur. Novator.az-ın məlumatına görə, partiya başqanı Arif Hacılı yazır ki, Müsavatın yaranması Azərbaycan tarixinin ən böyük siyasi hadisələrindən biridir: “Yarandığı gündən cəmiyyətdə milli məfkurə, vətənsevərlik, dövlətçilik, istiqlal və hürriyyət ideyalarını yayan Müsavatın Azərbaycanın çağdaş tarixində misilsiz rolu danılmazdır”.
1911-ci ildə yaradılan Müsavat 1920-ci ildən mühacirətdə fəaliyyət göstərib, 1992-ci ildə Bakıda bərpa olunub.
Partiyanın ilk başqanı Məhəmməd Əmin Rəsulzadə, ikinci başqanı Mirzə Bala Məmmədzadə, üçüncü başqanı Kərim Odər, dördüncü başqanı Məhəmməd Azər Aran, beşinci başqanı İsa Qəmbərdir.
2014 və 2019-cu illərdə Arif Hacılı başqan seçilib.
