İqtisadiyyat üzrə Nobel amerikalılara verildi
2022-ci ilin iqtisadiyyat üzrə Nobel mükafatına Ben Bernanke, Duqlas Daymond, Filip Dibviq (hər üçü ABŞ) layiq görülüblər. Novator.az bildirir ki, qərarı oktyabrın 10-da İsveç Dövlət Bankı açıqlayıb. Təltif bankların və maliyyə böhranlarının tədqiqi ilə əsaslandırılıb.
2022-ci ilin tibb üzrə Nobel mükafatını isveçli Svante Paabo, fizika üzrə Nobel mükafatını Alen Aspe (Fransa), Con Klauzer (ABŞ), Anton Saylinger (Avstriya) üçlüyü, kimya üzrə Nobel mükafatını Karolin Bertossi, Barri Şarpless (hər iksi ABŞ), Morten Meldal (Danimarka) üçlüyü, ədəbiyyat üzrə Nobel mükafatını fransız Anni Erno, Nobel sülh mükafatını belaruslu hüquq müdafiəçisi Ales Belyatski, Rusiyanın “Memorial” Mərkəzi və Ukraynanın Vətəndaş Azadlıqları Mərkəzi alıb.
Nobel mükafatı 1901-ci ildə təsis olunub. Son statistikaya əsasən, ümumilikdə 989 şəxs və təşkilat Nobelə layiq görülüb.
