Azərbaycanın yeni rəqibləri
Oktyabrın 9-da 2024-cü ilin Avropa futbol çempionatının seçmə mərhələsinin püşkü atılıb. Novator.az bildirir ki, Azərbaycan milli komandası F qrupunda bu yığmalara rəqib olub: Belçika, Avstriya, İsveç, Estoniya.
2023-cü ilin mart-noyabr aylarına təyin olunmuş seçmə raund (Avropa çempionatının ev sahibi Almaniya seçmə mərhələdən azaddır, Rusiya yarışdan kənar edilib) 10 qrupda aparılacaq, birinci və ikinci yerləri tutan ümumilikdə 20 milli komanda final raunduna vəsiqə alacaq.
Daha 3 vəsiqə UEFA Millətlər Liqasının A, B, C divizionlarındakı ən güclü komandalara ayrılıb.
1960-cı ildə SSRİ, 1964, 2008, 2012-ci illərdə İspaniya, 1968 və 2021-ci illərdə İtaliya, 1972, 1980, 1996-cı illərdə Almaniya, 1976-cı ildə Çexoslovakiya, 1984, 2000-ci illərdə Fransa, 1988-ci ildə Niderland, 1992-ci ildə Danimarka, 2004-cü ildə Yunanıstan, 2016-cı ildə Portuqaliya Avropa çempionu olub.
