Prezident Avropa sammitində
AZƏRTAC-ın 6 oktyabr məlumatına görə, prezident İlham Əliyevin Çexiyanın paytaxtı Praqaya səfəri başlayıb. Dövlət başçısı Avropa Siyasi Birliyinin zirvə toplantısına qatılacaq.
İlham Əliyevin Avropa İttifaqı Şurasının sədri Şarl Mişellə bir araya gəldiyi xəbər verilir.
Avropa İttifaqı ölkələrinin dövlət və hökumət başçıları oktyabrın 6-7-si Praqada toplaşır. Qeyri-formal sammitə tərəfdaş ölkələr, o cümlədən Azərbaycan və Ermənistan dəvət alıb.
Əsası 1957-ci ildə qoyulan Avropa İttifaqı 27 ölkəni birləşdirir: Almaniya, Avstriya, Belçika, Bolqarıstan, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan.
Albaniya, Moldova, Monteneqro, Serbiya, Şimali Makedoniya, Türkiyə və Ukrayna üzvlüyə namizəd statusundadır.
Gürcüstan, Bosniya və Herseqovina, Kosovo da quruma üzvlük üçün danışıqlar aparır.
İsveçrə və Norveç Avropa İttifaqına sıx inteqrasiya olunub.
