Praqa toplantısı
Oktyabrın 6-sı Çexiyanın paytaxtı Praqada Avropa Siyasi Birliyinin zirvə toplantısı keçirilib. 44 ölkənin dövlət və hökumət başçılarının iştirak etdiyi toplantıya prezident İlham Əliyev də qatılıb.
AZƏRTAC xəbər verir ki, İlham Əliyev “Avropa qitəsində sülh və təhlükəsizlik” mövzulu dəyirmi masada da iştirak edib.
Zirvə toplantısı işçi nahar formatlı plenar iclasla başa çatıb.
Avropa Siyasi Birliyi qitə ölkələri arasında siyasi əlaqələndirmə platformasıdır. Birliyin məqsədi ümumi maraq doğuran məsələlərin həlli üçün siyasi dialoqu və əməkdaşlığı inkişaf etdirmək, Avropa qitəsinin təhlükəsizliyini, sabitliyini və rifahını gücləndirməkdir.
