Araz Əlizadə vəfat edib
Azərbaycan Sosial Demokrat Partiyasının sədri Araz Əlizadə oktyabrın 6-na keçən gecə vəfat edib. Siyasətçi onkoloji xəstəlikdən əziyyət çəkirdi.
1951-ci ildə doğulan Araz Əlizadə Bakı Dövlət Universitetinin şərqşünaslıq fakültəsini bitirib. Əfqanıstanda tərcüməçi işləyib, Ukrayna Elmlər Akademiyasının Tarix İnstitutunda kiçik elmi işçi olub, Kiyev Xarici Dillər Pedaqoji İnstitutunda dərs deyib.
1985-ci ildə siyasi baxışlarına görə mühakimə olunub.
1989-cu ildə Azərbaycan Sosial Demokrat Partiyasını yaradıb. 1991-1995-ci illərdə Azərbaycan Ali Sovetinin, 2015-2020-ci illərdə Milli Məclisin deputatı olub.
