Prezident təqaüdü alacaq tələbələr
2022-ci ilin tələbə qəbulu imtahanlarında ən yüksək nəticələr göstərib Azərbaycanın ali məktəblərinə daxil olan 102 tələbəyə prezident təqaüdü kəsilib. Dövlət başçısı İlham Əliyev sərəncamı oktyabrın 3-də imzalayıb.
2001-ci il sentyabrın 3-də təsis edilən prezident təqaüdü tədris ilinin birinci semestri üçün təyin olunur. Bu müddətdən sonra təqaüdün verilməsinin davam etdirilməsi haqqında qərarı tələbələrin təhsildəki göstəricilərinə uyğun olaraq Təhsil Nazirliyi qəbul edir.
Hazırda təqaüdün məbləği 250 manatdır.
