Büdcəni 100 manatdan götürsək…
2023-cü ilin dövlət büdcəsi layihəsində 33 milyard 300 milyon manat xərc nəzərdə tutulur, istiqamətlər belə sıralanır: iqtisadi fəaliyyət – 6 milyard 884,9 milyon manat, müdafiə və milli təhlükəsizlik – 5 milyard 320,1 milyon manat, sosial müdafiə və sosial təminat – 4 milyard 411,8 milyon manat, təhsil – 4 milyard 403,8 milyon manat, ümumi dövlət xidmətləri – 3 milyard 779,7 milyon manat, məhkəmə hakimiyyəti, hüquq mühafizə və prokurorluq – 2 milyard 744,4 milyon manat, səhiyyə – 1 milyard 905,1 milyon manat, kənd təsərrüfatı – 1 milyard 202,1 milyon manat, mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 542,8 milyon manat, ətraf mühitin mühafizəsi – 363,3 milyon manat, mənzil və kommunal təsərrüfatı – 355,1 milyon manat, əsas bölmələrə aid edilməyən xərclər – 1 milyard 386,9 milyon manat.
Novator.az-ın məlumatına görə, iqtisadçı alim, müxalif Azərbaycan Demokratiya və Rifah Partiyasının sədri Qubad İbadoğlu yazır ki, dövlət büdcəsinin hər 100 manatından 20 manat 67 qəpiyi iqtisadi fəaliyyətə (əsasən tikinti və şəhərsalmaya), 15 manat 97 qəpiyi müdafiə və milli təhlükəsizliyə, 13 manat 24 qəpiyi sosial təminat və sosial müdafiəyə, 13 manat 22 qəpiyi təhsilə, 11 manat 35 qəpiyi ümumi dövlət xidmətlərinə (əsasən idarəetməyə, borclara), 8 manat 24 qəpiyi məhkəmə hakimiyyəti, hüquq mühafizə və prokurorluğa, 5 manat 72 qəpiyi səhiyyəyə, 4 manat 16 qəpiyi əsas bölmələrə aid edilməyən xidmətlərə (əsasən prezidentin ehtiyat fonduna), 3 manat 60 qəpiyi kənd təsərrüfatına (əsasən aqrar subsidiyalara), 1 manat 63 qəpiyi mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyətə, 1 manat 9 qəpiyi ətraf mühitin mühafizəsinə, 1 manat 6 qəpiyi mənzil və kommunal təsərrüfatına xərclənəcək.
