Avropanın aparıcı milli futbol çempionatlarında növbəti oyunlar arxada qalıb. Novator.az bildirir ki, İngiltərə çempionatına 21 xalla “Arsenal” başçılıq edir. “Mançester Siti” 20, “Tottenhem” 17, “Brayton” 14, “Çelsi” 13, “Mançester Yunayted” 12 xal yığıb.

İspaniya çempionatında “Barselona” və “Real” 19 xalla liderliyi bölüşürlər. “Atletik” 16, “Betis” 15, “Atletiko”, “Osasuna” və “Real Sosyedad” 13 xal götürüb.

İtaliya çempionatında “Napoli” və “Atalanta” öndədir: 20 xal. “Latsio” və “Milan” 17, “Udineze” və “Roma” 16, “Yuventus” 13 xal qazanıb.

Almaniya çempionatında “Union Berlin” və “Frayburq” 17 xalla önə çıxıblar. Bu komandaları 15 xalla “Bavariya” və “Borussiya” (Dortmund), 14 xalla “Hoffenhaym” və “Ayntraxt” (Frankfurt) izləyir.

Fransa çempionatında PSJ 25, “Marsel” 23, “Loryan” 22, “Lans” 21, “Monako” 17 xal toplayıb.