Prezident Bolqarıstandadır
Prezident İlham Əliyev sentyabrın 30-da Bolqarıstana rəsmi səfərə gedib. AZƏRTAC xəbər verir ki, prezidenti paytaxt Sofiyanın hava limanında Bolqarıstanın dövlət və hökumət rəsmiləri qarşılayıb.
Rəsmi qarşılanma mərasimi şəhərin Aleksandr Nevski meydanında keçirilib, Bolqarıstanın dövlət və hökumət nümayəndələri İlham Əliyevə, Azərbaycan nümayəndə heyətinin üzvləri Bolqarıstan prezidenti Rumen Radevə təqdim olunub. Sonra İlham Əliyev Aleksandr Nevski meydanında naməlum əsgərin məzarını ziyarət edib.
İlham Əliyev əvvəlcə Rumen Radevlə təkbətək görüşüb, ardınca dövlət başçıları geniş tərkibdə bir araya gəliblər. Əsas müzakirə mövzularından biri Bolqarıstan, Rumıniya, Macarıstan və Slovakiyaya qaz ixracı olub.
İlham Əliyev Bolqarıstanın aparıcı biznes dairələrinin nümayəndələri ilə də görüşüb.
