Neftsiz ixracın əsas malları
İqtisadi İslahatların Təhlili və Kommunikasiya Mərkəzi bildirir ki, 2022-ci ilin yanvar-avqust aylarında Azərbaycandan 1,9 milyard ABŞ dolları dəyərində, ötən ilin eyni dövrü ilə müqayisədə 19 faiz çox qeyri-neft məhsulu ixrac olunub. İxrac malları siyahısında pambıq mahlıcı birinci (143,4 milyon dollar), karbamid ikinci (142,2 milyon dollar), pomidor üçüncü (134,2 milyon dollar) yerdə göstərilir.
Dövlət Gömrük Komitəsi neftsiz ixracın əsas ünvanlarını belə sıralayır: Rusiya, Türkiyə, Gürcüstan, İsveçrə, ABŞ, İtaliya, Niderland, Qazaxıstan, Rumıniya, Hindistan, Özbəkistan, Bolqarıstan.
