Sentyabrın 30-da sərəncam imzalayan prezident İlham Əliyev prokurorluq əməkdaşlarına ali xüsusi rütbələr verib. Elçin Məmmədov (baş prokurorun birinci müavini), Elmar Camalov (baş prokurorun müavini), Heydər Məmmədov (baş prokurorun müavini), Nazim Rəcəbov (baş prokurorun müavini, Korrupsiyaya Qarşı Mübarizə Baş İdarəsinin rəisi) II dərəcəli dövlət ədliyyə müşaviri (ədliyyə general-leytenantı) ali xüsusi rütbəsi alıblar.

Nemət Əvəzov (Baş Prokurorluğun İstintaq İdarəsinin rəisi) və Erkin Əlixanov (Baş Prokurorluğun Beynəlxalq Hüquqi Əməkdaşlıq İdarəsinin rəisi) III dərəcəli dövlət ədliyyə müşaviri (ədliyyə general-mayoru) ali xüsusi rütbəsinə layiq görülüblər.

Oktyabrın 1-i prokurorluq işçilərinin peşə bayramıdır.

Azərbaycanda prokurorluq orqanının əsası 1918-ci ildə qoyulub. Həmin il oktyabrın 1-də Azərbaycan Xalq Cümhuriyyəti Nazirlər Şurasının qərarı ilə Bakı Dairə Məhkəməsinin tərkibində prokurorluq yaradılıb.