Qaliblər məlum, qalır qalib
UEFA Millətlər Liqasının 2022-2023 mövsümündə qrup mərhələsi geridə qalıb. Novator.az bildirir ki, 2023-cü ilin iyun ayına təyin olunmuş final mərhələsinə A divizionu qruplarının qalibləri çıxıb: Xorvatiya, İspaniya, İtaliya, Niderland.
B divizionu qruplarında Şotlandiya, İsrail, Bosniya, Serbiya; C divizionu qruplarında Türkiyə, Yunanıstan, Qazaxıstan, Gürcüstan; D divizionu qruplarında Latviya və Estoniya qalib olub.
A, B, C divizionlarında qrup zəifləri aşağı diviziona enir, B, C, D divizionlarında qrup qalibləri yuxarı diviziona yüksəlir, A, B, C divizionlarının ümumilikdə 3 güclü komandası 2024-cü ilin Avropa çempionatına vəsiqə alır.
Millətlər Liqası 2018-ci ildən keçirilir. 2018-2019 mövsümünü Portuqaliya, 2020-2021 mövsümünü Fransa udub.
