Nöqtə ərəfəsi
UEFA Millətlər Liqasının C divizionunun 3-cü qrupunda beşinci tur oynanıb. Novator.az-ın məlumatına görə, sentyabrın 22-si evdə Belarus milli komandasını 2:1 hesabı ilə yenən Qazaxıstan yığması birinciliyi təmin edib.
Slovakiyada eyni hesablı qələbəyə nail olan Azərbaycan aşağı diviziona düşmək təhlükəsindən qurtulub.
Sentyabrın 25-də keçiriləcək son tur (Azərbaycan – Qazaxıstan, Belarus – Slovakiya) ərəfəsində Qazaxıstanın 13, Azərbaycanın 7, Slovakiyanın 6, Belarusun 2 xalı var.
2023-cü ilin iyun ayına təyin olunmuş final mərhələsinə A divizionu qruplarının dörd qalibi çıxır.
Reqlamentə görə, A, B, C divizionlarında qrup zəifləri aşağı diviziona enir, B, C, D divizionlarında qrup qalibləri yuxarı diviziona yüksəlir, A, B, C divizionlarının ümumilikdə 3 güclü komandası 2024-cü ilin Avropa çempionatına vəsiqə alır.
