İtaliya: seçki siftəyə yol aça bilər
Sentyabrın 25-i İtaliyada parlamentin hər iki palatasına seçki keçiriləcək. Aşağı palataya (Deputatlar Palatası) 400 deputat, yuxarı palataya (Senat) 200 senator seçilməlidir.
Hökumət parlament palatalarına seçkilərin nəticələri əsasında formalaşır.
Novator.az bildirir ki, son rəy sorğularına görə, sağ mərkəzçi düşərgədə yer alan İtaliya Qardaşları, Liqa və “İrəli, İtaliya” partiyaları ümumilikdə 45 faizdən çox dəstəklə öndə görünür. Bu düşərgədə 25,1 faiz səslə İtaliya Qardaşları Partiyası liderdir. Partiyaya 1977-ci il təvəllüdlü Corca Meloni rəhbərlik edir və onun İtaliya tarixində ilk qadın baş nazir olmaq şansı var.
Sol blokda əsas siyasi qüvvə Demokrat Partiyasıdır. Qurum rəy sorğularında ikinci yerdə gedir.
Siyasi çəkisi ilə fərqlənən “5 ulduz” hərəkatı seçkiyə müstəqil şəkildə qoşulub.
