Səmərqənd səfəri başlayıb
Sentyabrın 15-də prezident İlham Əliyevin Özbəkistanın Səmərqənd şəhərinə səfəri başlayıb. Dövlət başçısı Şanxay Əməkdaşlıq Təşkilatına üzv ölkələrin sammitinə qatılacaq.
AZƏRTAC xəbər verir ki, Səmərqənd aeroportunda qarşılanan İlham Əliyev sonra Özbəkistanın birinci prezidenti İslam Kərimovun məqbərəsini ziyarət edib.
Həmin gün İlham Əliyev Özbəkistan prezidenti Şövkət Mirziyayev, Türkiyə prezidenti Rəcəb Teyyub Ərdoğan, Çin Xalq Respublikasının sədri Si Cinpinlə görüşlər keçirib.
2001-ci il iyunun 15-də Şanxay şəhərində yaradılan Şanxay Əməkdaşlıq Təşkilatına Çin, Rusiya, Qazaxıstan, Qırğızıstan, Tacikistan, Özbəkistan, Hindistan və Pakistan daxildir.
İran, Əfqanıstan, Monqolustan, Belarus, Türkiyə, Şri-Lanka, Kamboca, Nepal, Azərbaycan və Ermənistan qurumla əməkdaşlıq edirlər.
