İsveçin baş naziri Maqdalena Andersson istefa verir. Novator.az-ın məlumatına görə, siyasətçi hakim blokun sentyabrın 11-də keçirilmiş parlament seçkisində uduzduğunu vurğulayaraq hökumətin başqa qüvvələrə etibar olunacağını deyib.

Sosial Demokrat Fəhlə Partiyasının lideri olan Maqdalena Andersson 2021-ci il noyabrın 30-dan baş nazirdir.

11 sentyabr seçkisində Sosial Demokrat Fəhlə Partiyası və ona yaxın qüvvələr (Sol Partiya, Mərkəz Partiyası, Yaşıllar Partiyası) 349 nəfərlik parlamentə 173 mandatla düşüb.

Sağları birləşdirən blok (İsveç Demokratları Partiyası, Mötədil Koalisiya Partiyası, Xristian Demokrat Partiyası, Liberallar Partiyası) 176 mandat qazanıb.

Hökumət qurmaq üçün 175 mandat gərəkdir.