Fəaliyyət sahələrində orta maaş
Dövlət Statistika Komitəsi 2022-ci il avqustun 1-nə muzdla çalışan işçilərin orta aylıq nominal əməkhaqqını 831,3 manat (neft-qaz sektorunda 3504,1 manat, qeyri neft-qaz sektorunda 780,2 manat, dövlət müəssisələrində 782,9 manat, özəl müəssisələrdə 886,4 manat) göstərib. Novator.az-ın məlumatına görə, iqtisadi fəaliyyət növləri üzrə orta maaş belə rəsmiləşib:
mədən sənayesi – 3370 manat;
maliyyə və sığorta fəaliyyəti – 2143,8 manat;
peşə fəaliyyəti, elmi və texniki fəaliyyət – 1398,9 manat;
informasiya və rabitə – 1352,4 manat;
dövlət idarəetməsi və müdafiə; sosial təminat – 1169,8 manat;
nəqliyyat və anbar təsərrüfatı – 1075,4 manat;
tikinti – 997,1 manat;
elektrik enerjisi, qaz və buxar istehsalı, bölüşdürülməsi və təchizatı – 893,2 manat;
emal sənayesi – 765,5 manat;
daşınmaz əmlakla əlaqədar əməliyyatlar – 742,6 manat;
əhaliyə səhiyyə xidməti və sosial xidmətlərin göstərilməsi – 687,8 manat;
turistlərin yerləşdirilməsi və ictimai iaşə – 652,8 manat;
su təchizatı, tullantıların təmizlənməsi və emalı – 646,1 manat;
istirahət, əyləncə və incəsənət sahəsində fəaliyyət – 640,1 manat;
təhsil – 630,2 manat;
ticarət; nəqliyyat vasitələrinin təmiri – 565 manat;
kənd təsərrüfatı, meşə təsərrüfatı və balıqçılıq – 492,4 manat;
inzibati və yardımçı xidmətlərin göstərilməsi – 483,8 manat;
digər sahələrdə xidmətlərin göstərilməsi – 865,6 manat.
Ölkədə minimum aylıq əməkhaqqı 300 manatdır.
Sentyabrın 1-nə iqtisadi fəal əhalinin sayı 5 milyon 347,1 min nəfər olub, onların 5 milyon 42,5 min nəfəri məşğul əhali kimi rəsmiləşib. Bu, 304,6 min nəfər işsiz deməkdir.
