Maliyyə yoxlamalarının hesabatı
Maliyyə Nazirliyinin hesabatına görə, 2022-ci ilin ilk yarısında Dövlət Maliyyə Nəzarəti Xidməti 52 təşkilatdakı yoxlamalarla 99 milyon 910,5 min manat artıq və əsassız ödənişlər aşkar edib, həmin məbləğin 33 milyon 502,5 min manatı dövlət büdcəsinə nağd qaydada ödənərək bərpa olunub.
Prokurorluq və hüquq mühafizə orqanlarının məktublarına və qərarları əsasında 35 təşkilatda aparılmış yoxlamalarla aşkar olunmuş artıq və əsassız ödənişlərin 33 milyon 330,1 min manatının, 14 təşkilatda aparılmış yoxlamalarla aşkar olunmuş artıq və əsassız ödənişlərin 108 min manat hissəsinin dövlət büdcəsinə ödəndiyi vurğulanır.
Hesabata əsasən, 2 təşkilatdakı yoxlamalarda aşkar olunmuş 2 milyon 811,4 min manat məbləğində nöqsanlar üzrə materiallar Dövlət Təhlükəsizliyi Xidmətinə göndərilib.
Dövlət orqanlarına daxil olmuş vətəndaş müraciətləri əsasında 3 təşkilatda yoxlama aparılıb, 64,4 min manat məbləğində artıq və əsassız ödənişlərə yol verildiyi üzə çıxıb və sənədlər Baş Prokurorluğa göndərilib.
25 nəfər vəzifəli şəxsə 16,5 min manat məbləğində cərimələr tətbiq edilib və həmin cərimələrin dövlət büdcəsinə ödənməsi təmin olunub.
