50 hərbi qulluqçu şəhid olub
Müdafiə Nazirliyi bildirir ki, Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində sentyabrın 12-si gecə və 13-ü səhər getmiş döyüşlərdə Azərbaycan Ordusunun 42, Dövlət Sərhəd Xidmətinin 8 hərbi qulluqçusu şəhid olub.
Şəhid hərbi qulluqçuların siyahısı ictimaiyyətə təqdim ediləcək.
Prezident İlham Əliyev sosial şəbəkədə başsağlığı yayıb: “Sentyabrın 13-də Ermənistan silahlı qüvvələrinin Azərbaycanın Kəlbəcər, Laçın, Daşkəsən və Zəngilan rayonları istiqamətində törətdiyi genişmiqyaslı təxribatların qarşısını alan zaman şəhid olmuş hərbi qulluqçularımızın ailələrinə, yaxınlarına və bütün Azərbaycan xalqına dərin hüznlə başsağlığı verirəm.
Allah şəhidlərimizə rəhmət eləsin!
Şəhidlərimizin qanı yerdə qalmadı!”.
