İsveçdə başabaş seçki
İsveçdə sentyabrın 11-də keçirilmiş parlament seçkisinin ilkin nəticələri açıqlanıb. Novator.az bildirir ki, sağları birləşdirən blok (İsveç Demokratları Partiyası, Mötədil Koalisiya Partiyası, Xristian Demokrat Partiyası, Liberallar Partiyası) 349 nəfərlik qanunverici orqana 175 mandat qazanır.
Hakim Sosial Demokrat Fəhlə Partiyası və başqa sol qüvvələr (Sol Partiya, Mərkəz Partiyası, Yaşıllar Partiyası) 174 mandat götürür.
Parlament proporsional üsulla (partiya siyahıları əsasında) formalaşır.
Hökumət qurmaq üçün 175 mandat gərəkdir.
Hazırda baş nazir postunu sosial demokrat Maqdalena Andersson tutur.
