Dövlət Miqrasiya Xidmətinin avqust hesabatı
Dövlət Miqrasiya Xidməti miqrasiya sahəsində qanunvericiliyin tələblərinin pozulmasına görə məsuliyyət müəyyənləşdirən qərarların hesabatını yayıb. Rəsmi məlumata əsasən, 2022-ci ilin avqust ayında verilən 913 qərarda cərimə ödəməklə ölkə ərazisini tərk etmək tələbi yer alıb, 700 qərar ölkə ərazisində yaşamanı qanuniləşdirib.
181 qərarda ölkədən inzibati qaydada çıxarılmaqla cərimə tətbiqi, 792 qərarda ölkəyə girişə məhdudiyyət nəzərdə tutulduğu bildirilir.
Azərbaycan ərazisində müvəqqəti və daimi yaşamaq üçün icazə sənədinin itirilməsi üzrə 33, əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 26, qeydiyyat tələblərinin pozulması üzrə 11 qərarın çıxarıldığı vurğulanır.
