Avropa meydanlarında
Avropanın aparıcı milli futbol çempionatlarının dördündə növbəti oyunlar arxada qalıb. Novator.az-ın məlumatına görə, İspaniya çempionatında “Real” 15 xalla liderdir. “Barselona” 13, “Betis” 12, “Vilyarreal”, “Atletik” və “Atletiko” 10, “Osasuna” 9 xal götürüb.
İtaliya çempionatında “Napoli”, “Atalanta” və “Milan” öndədir: 14 xal. “Udineze” 13, “İnter” 12, “Latsio” 11, “Yuventus”, “Roma” və “Torino” 10 xal qazanıb.
Almaniya çempionatında “Union Berlin” 14 xalla birincidir. Lideri 13 xalla “Frayburq”, 12 xalla “Bavariya”, “Hoffenhaym”, “Borussiya” (Dortmund), 10 xalla “Maynts” izləyir.
Fransa çempionatında PSJ və “Marsel” 19, “Lans” 17, “Loryan” 16, “Lion” 13 xal toplayıb.
Oyunların bir müddət təxirə salındığı İngiltərə çempionatına 15 xalla “Arsenal” başçılıq edir. “Mançester Siti” və “Tottenhem” 14, “Brayton” 13, “Mançester Yunayted” 12 xal yığıb.
