Kraliça vəfat etdi
Böyük Britaniyanın dövlət başçısı – kraliça II Yelizaveta sentyabrın 8-də vəfat edib.
1926-cı ildə doğulan II Yelizaveta 1952-ci il fevralın 6-dan taxtda idi.
Novator.az bildirir ki, dövlət başçısı – kral postuna mərhum kraliçanın böyük oğlu Çarlz (III Karl) keçir. Çarlz 1948-ci il təvəllüdlüdür.
İngiltərə, Şotlandiya, Uels və Şimali İrlandiyanı birləşdirən Böyük Britaniyada icra hakimiyyətinə baş nazir rəhbərlik edir. Hazırda Mühafizəkarlar Partiyasının lideri Liz Trass baş nazirdir.
Hökumət parlamentin alt qanadı olan 650 nəfərlik İcmalar Palatasına seçkinin nəticələri əsasında qurulur. 2019-cu il dekabrın 12-də seçilmiş indiki parlamentdə Mühafizəkarlar Partiyası 357 mandatla təmsil olunur.
