Böyük liqada turnir vəziyyəti
UEFA Çempionlar Liqasının 2022-2023 mövsümündə qrup raundunun bir turu geridə qalıb. Novator.az bildirir ki, 6-7 sentyabr oyunlarından sonra qruplarda sıralama belədir:
A qrupu – “Ayaks”, “Napoli”, “Liverpul”, “Reyncers”;
B qrupu – “Atletiko”, “Brügge”, “Portu”, “Bayer”;
C qrupu – “Barselona”, “Bavariya”, “İnter” (İtaliya), “Viktoriya”;
D qrupu – “Sportinq” (Lissabon), “Tottenhem”, “Marsel”, “Ayntraxt” (Frankfurt);
E qrupu – “Dinamo” (Zaqreb), “Milan”, “Zalsburq”, “Çelsi”;
F qrupu – “Şaxtyor” (Donetsk), “Real”, “Leypsiq”, “Seltik”;
G qrupu – “Mançester Siti”, “Borussiya” (Dortmund), “Kopenhagen”, “Sevilya”;
H qrupu – “Benfika”, PSJ, “Yuventus”, “Makkabi” (Hayfa).
Reqlamentə görə, qruplarda ilk iki pilləni tutan komandalar 1/8 finala adlayır, üçüncülər Avropa Liqasına köçür, dördüncülər ələnir.
Qruplardakı komandaların 14-nün turnirdə zəfəri var. 1955-ci ildən keçirilən, 1991-ci ilə qədər Çempionlar kuboku adlanmış turnirdə “Real” 14, “Milan” 7, “Bavariya”, “Liverpul” 6, “Barselona” 5, “Ayaks” 4, “İnter” (İtaliya) 3, “Benfika”, “Yuventus”, “Portu”, “Çelsi” 2, “Seltik”, “Marsel”, “Borussiya” (Dortmund) 1 titula sahibdir.
Mənbə: Uefa.com
