Sabitliyin 4 il 6 ayı
Azərbaycan Mərkəzi Bankı sentyabrın 7-də ABŞ dollarının məzənnəsini 1,7 manat həddində saxlayıb, bununla qiymət sabitliyinin 4 il 6 ayı tamamlanıb.
2015-2017-ci illərdə rəsmi kursu 0,7844 manatdan 1,7001 manata yüksələn dollar 2018-ci il martın 7-dən banklara 1,7 manata təklif olunur.
Dövlət Neft Fondu Mərkəzi Bankın 2022-ci ilin yanvar-avqust aylarında keçirdiyi valyuta hərraclarında 3 milyard 392 milyon dollar vəsait satıb. Novator.az bildirir ki, yanvarda fonddan 727 milyon, fevralda 371,2 milyon, martda 526,2 milyon, apreldə 548,7 milyon, mayda 288 milyon, iyunda 278,1 milyon, iyulda 212,3 milyon, avqustda 440,5 milyon dollar alınıb.
Manatı qorumağa 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard dollar sərf edilib.
