![]({"full":{"0":"2022\/09\/Liz-Trass-2.jpg","1":800,"2":500,"3":false,"file":"https:\/\/novator.az\/wp-content\/uploads\/2022\/09\/Liz-Trass-2.jpg"}})
Trass rəsmən baş nazir oldu
- 06 Sentyabr 2022
- comments
- hikmet
- Posted in Dünyanın səsiManşetXəbər
Böyük Britaniya kraliçası II Yelizaveta sentyabrın 6-da hakim Mühafizəkarlar Partiyasının yeni lideri Liz Trassı baş nazir təyin edib.
Liz Trass Britaniyada hökumətə 1979-1990-cı illərdə rəhbərlik etmiş Marqaret Tetçer və 2016-2019-cu illərdə rəhbərlik etmiş Tereza Meydən sonra üçüncü qadın baş nazirdir.
Novator.az bildirir ki, 1975-ci il təvəllüdlü Liz Trass 1996-cı ildən Mühafizəkarlar Partiyasının üzvüdür. Ətraf mühit, ərzaq və kənd təsərrüfatı naziri, ədliyyə naziri, xarici ticarət naziri postlarını tutub. 2021-ci il sentyabrın 15-dən xarici işlər naziri idi.
Liz Trass sentyabrın 5-də Mühafizəkarlar Partiyasının lideri seçilib. Bu qurum ölkə parlamentinin alt qanadı olan İcmalar Palatasında çoxluqdadır.
2019-cu il iyulun 23-dən Mühafizəkarlar Partiyasının lideri, iyulun 24-dən baş nazir olan Boris Conson bu il iyulun 7-də istefa vermiş, ancaq yeni lider seçilənə qədər səlahiyyətlərini saxlamışdı.