İsveç seçki ərəfəsində
Sentyabrın 11-i İsveçdə parlament seçkisi keçiriləcək.
349 nəfərlik qanunverici orqan proporsional üsulla (partiya siyahıları əsasında) formalaşır.
Novator.az-ın məlumatına görə, son rəy sorğuları hakim Sosial Demokrat Fəhlə Partiyasını 28,5 faiz səslə öndə göstərir.
Millətçi baxışları ilə tanınan İsveç Demokratları Partiyası 20,1 faizlə ikinci yerdə qərar tutur.
Mötədil Koalisiya Partiyasına seçicilərin 17,3 faizi, Mərkəz Partiyasına 7,8 faizi, Sol Partiyaya 7,4 faizi, Xristian Demokrat Partiyasına 6,6 faizi, Liberallar Partiyasına 5,8 faizi, Yaşıllar Partiyasına 4,8 faizi dəstək verir.
Hökumət qurmaq üçün 175 mandat gərəkdir.
Hazırda baş nazir postunu sosial demokrat Maqdalena Andersson tutur.
