Avropa İttifaqı: Azərbaycanla, amma Türkiyəsiz?
Oktyabrın 6-7-si Çexiyanın paytaxtı Praqada Avropa İttifaqı ölkələrinin dövlət və hökumət başçılarının qeyri-formal sammiti keçiriləcək. Böyük Britaniyanın “The Guardian” qəzeti sammitə başqa ölkələrin, o cümlədən Azərbaycan və Ermənistanın dəvət olunacağını yazır.
Əsası 1957-ci ildə qoyulan Avropa İttifaqı 27 ölkəni birləşdirir: Almaniya, Avstriya, Belçika, Bolqarıstan, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan.
Albaniya, Moldova, Monteneqro, Serbiya, Şimali Makedoniya, Türkiyə və Ukrayna üzvlüyə namizəd statusundadır.
Gürcüstan, Bosniya və Herseqovina, Kosovo da quruma üzvlük üçün danışıqlar aparır.
Novator.az bildirir ki, Praqa sammitində Avropa İttifaqına qoşulmaq istəyən dövlətlərin, həmin məkana sıx inteqrasiya olunmuş İsveçrə və Norveç, eləcə də quruma müəyyən tellərlə bağlı Azərbaycan və Ermənistan rəhbərlərinin iştirakı gözlənir. Ancaq Türkiyənin dəvət almasında problem var: Kipr və Yunanıstan buna razılıq vermir.
Mənbə: Theguardian.com
