Ermənistan: dövlət ali məktəbləri paytaxtdan köçür
Ermənistanın dövlət ali təhsil müəssisələri üzrə islahat planı açıqlanıb. Novator.az-ın məlumatına görə, hökumətin 1 sentyabr iclasında çıxış edən baş nazir Nikol Paşinyan deyib ki, dövlət ali təhsil ocaqları, elmi tədqiqat institutları birləşdirilmə yolu ilə azaldılacaq, maksimum 8 ali məktəb qalacaq.
Planın digər bölümünə əsasən, Aştarak şəhərində akademik şəhərcik yaradılacaq və dövlət ali məktəbləri paytaxt Yerevandan ora köçürüləcək.
Azərbaycanda 51 ali təhsil ocağı var. Onların 42-si paytaxt Bakıda yerləşir.
